navigation

SOLON’ANARANA – PSEUDO(NYME) 31 mars, 2010

Posté par rahelys dans : A lire,A méditer,Coup de coeur,Culture,Développement,Droits homme,handicap,Identité malgache,mode de vie,Mondialisation,Net et dangers,Protection de Madagascar,Santé publique,Solidarité,Souveraineté nationale malgache,vie quotidienne , trackback

Mitondra solon’anarana :
Vao sahy mampita teny,
Teny ratsy mibahana,
Teny ratsy manjaka.
Teny ratsy tompoina.

Teny feno ompa,
Teny tsy manaja,
Sahy miantsa ady,
Mitaona amin’ny ratsy.

Mitondra solon’anarana  :
Tsy misy lehibe,
Tsy misy kely,
Tsy misy Hasina,
Tsy misy Haja,
Tsy misy Fefy !

Mitondra solon’anarana :
Kabosy nahazo toky,
Kabosy toa mahery fo,
Kabosy toa misaina,
Kabosy toa mamiratra,
Kabosy toa filamatra,
Kabosy toa zavatra,
Kabosy toa hanitra,
Kabosy toa fanilo,
Kabosy toa hiasa…

O ry Malagasy,
Aiza ny hajanao ?
Aiza ny hasina
Maha-olona anao ?
Solon’anarana ve ?
Dia sahy sehatra ianao ?
Solon’anarana ve ?
Dia sahy mihoa-pefy ?
Solon’anarana ve ?
Dia mba « olona » ?

Miheritrereta !
Ny olona : «manaja,
Mitady ny soa,
Miala amin’ny ady,
Mandositra ny ratsy,
Mitady fitiavana,
Mitady mitia namana.»

Ampy ny haratsiana
Hilomanosantsika,
Tadiavo ny teny mamy,
Tsy mihatsara ivelantsihy.

Tadiavo ny teny madio
Vokatry ny fo madio,
Vokatry ny saina madio,
Tsy misy raorao,
Alaviro ny tabataba,
Alaviro ny fo ratsy.

Fanariam-pako ve ny fonao ?
Fanariam-pako ve ny sainao ?
Fanariam-pako ve ny vavanao ?
Fanariam-pako ve ny taninao ?
Fanariam-pako ve ny aminao rehetra ?
Aza manao kabosy misalobon-tsolon’anarana.

Olga HELISOA, RAMANATANTARA, Parisy, 30, 03,2010

Image de prévisualisation YouTube

Commentaires»

pas encore de commentaires

Laisser un commentaire

Lanaudière... moutons, caro... |
DAROU L ISLAM |
ENSEMBLE ET DROIT |
Unblog.fr | Créer un blog | Annuaire | Signaler un abus | Faut-il considérer internet...
| Le blogue a Voliere
| Cévennes : Chantiers 2013