navigation

VOHIKALA Fredy JAOFERA – TONONKALO NOTSONGAINA – Siteweb Fredy JAOFERA POEMES CHOISIS In HELI’S MADAGASCAR E-Enseignement 16 octobre, 2008

Posté par rahelys dans : A visiter,Culture,Evénements HELI'S MADAGASCAR,Identité malgache,poèmes , ajouter un commentaire

Voninahitra ho anay ao amin’i HELI’S MADAGASCAR fampianarana anterinety mampahafantatra ny be sy ny maro fa azo jerena ny vohikala natokana ho an-Andriamatoa Fredy JAOFERA mpampianatra sy poeta malagasy, TONONKALO NOTSONGAINA
Ny Rohy makao dia

Fredy JAOFERA TONONKALO NOTSONGAINA

Hebergeur d'images

Chez HELI’S MADAGASCAR E-Enseignement, nous sommes honorés et heureux de vous annoncer la mise en ligne du siteweb dédié au poète et enseignant malgache Fredy JAOFERA,POEMES CHOISIS

Son Url est

Fredy JAOFERA POEMES CHOISIS

RADO – Zoma 3 Oktobra 2008 @ 8 ora alina FPMA 16 rue Chauchat 75009 – Paris FANOMPOAM-PIVAVAHANA IRAISAM-PINOANA 1 octobre, 2008

Posté par rahelys dans : Anniversaire,Culture,Hommages,Identité malgache,poèmes,Prieres,Solidarité , ajouter un commentaire

01.10.2008  -  01.10.1923   85 taona nahaterahan’i

RADO – ANDRIAMANANTENA Georges

Hebergeur d'images

Manasa antsika rehetra hanatrika ny fanompoam-pivavahana iraisam-pinoana hofanomezam-boninahitra an’Andriamanitra sy ho fampaherezana ny fianakaviana
sady ho fahatsiarovana ny faha-85 taona nahaterahany.

ny Zoma 03 Oktobra 2008 amin’ny 8 ora alina

ao amin’ny FPMA Paris, 16 rue Chauchat 75009 – Paris

 

*****

VONINKAZO ADALADALA (FAHA-80 TAONAN’I RADO)

 

VONINKAZO ADALADALA 

Voninkazo adaladala ! Voninkazo tsy misaina
Fa mamony samirery eo an-tany karankaina
Ny manodidina rehetra efa ringitra avokoa
Efa tapitra matory… ! Izy irery no mifoha.

Misy koa ny fo adala ka tsy mety manadino
Ny rehetra raha mangina, izy kosa mbola mino
Mbola tena mahatsiaro ilay Fitiavana ninoany
Mbola velona ao am-pony, tsy mitsahatra mamony

RADO 11 janoary 2002, Midi-Madagasikara, 2,10,03

*****

80 TAONA anio i RADO (Georges Andriamanantena)
1 oktobra 1923 – 1 oktobra 2003

Anio no mitsingerina ny faha 80 taona nahaterahan’i Georges Andriamanantena, diso fantatra loatra amin’ny anarana hoe RADO. Isan’ireo olona ambara ho andrarezin’ny fanandratana ny teny Malagasy sy fikajiana ny soa toavina izay mampiavaka an’i Madagasikara eo anatrehan’izao tontolo izao ny tenany.

Tononkalo sy asa-soratra maro no fantatra fa nosoratan’i Rado eo amin’izay fanandratana ny teny sy ny maha Malagasy azy izay. Amin’izao tsingerin-taona faha 80 n’i Rado izao dia manolotra firariantsoa sy fiarahaba ho azy manokana izahay eto amin’ny  » Gazetiko « …- Gazetiko du 01-10-03

GRG – Georgette RANIVOARIVELO Gabrielle : 1932-2008 Madagascar – HOMMAGES (Suite 2) 28 septembre, 2008

Posté par rahelys dans : A lire,Culture,Evénements HELI'S MADAGASCAR,Femme,Hommages,Identité malgache,Malagasy: Teny,poèmes , 1 commentaire

Hebergeur d'images

Miarahaba,

Miara-miondrika amin’ny Fianakavian’i GRG sy fianakaviamben’ny Haisoratra malagasy amin’izao vanin-taona mafy tsy maintsy diavintsika ety ambany masoandro izao…

Nandao antsika saingy namela ny sahan’ny literatiora malagasy feno hanitra tsy resy resen’ny fahafatesana.

 

Mihelina ihany Ra-olombelona
Mifandimbidimby sy aelin’ny rivotra
Fa ny asa navelany ho antsain-ko velona
Ny soa hitsingerina, ny ratsy ho ringitra

Ny soa tavela sy ny firoborobony
Tsy hitsahatra hatreo ny fisandratany avo
Toa tononkalo amin’ny firedoredony
Tsy mety maty sy tsy mety lavo

Ny mamela mamy, maty miadana
E ! Ny andro rehetra dia fandalovana
Fa tsy ho lefy hanitra ilay fisiana
Ho velona an-koatra, sy ho tsara levenana.

Ny Kanto.

FABIEN GASTON RAZAKANDRAINIBE, 27.09.2008

Locations of visitors to this page

Hery RASOLO: Producteur, cinéaste documentaire – Madagascar HOMMAGES (Suite) 26 septembre, 2008

Posté par rahelys dans : A lire,Cinéma malgache,Culture,Evénements HELI'S MADAGASCAR,Hommages,Identité malgache,Malagasy: Teny,poèmes,Solidarité , ajouter un commentaire

LASA i Hery RASOLO
Hebergeur d'images

Miarahaba e !

Manjombona tokoa ny lanitry ny literatiora sy ny kolotsaina manoloana ny voina misesy tato ho ato. Indro alefako ity Fehezam-boninkazo ity ho fiombonam-po amam-panahy noho ny fahalasanan’Itompokolahy Hery RASOLO.
Mirary fiononana feno sy faherezana ho an’ny Fianakaviana manontolo aho sady mitondra amim-bavaka.

Ramatoa RAHARIJAONA Marie-Angèle, Mpitandrina

 

VELOMA

(Ho fiombonam-po amam-panahy noho ny

fahalasanan’Itompokolahy Hery RASOLO)

 

Gina, sina ny rehetra raha nandre fa lasa ianao,

Lasa nialoha làlana. Hatramin’ny lanitra jerena,

Lanitra ory, malahelo. Mitroatra avy ao anaty ao

Ny fahatsiarovana rehetra. Tsiaro tsy hay fefena.

 

Gina, sina ny rehetra, gina sina anefa ho aiza ?

Lalàm-piainana izao, lalà-mifehy ny manana aina.

Malahelo ny mpianakavy sy ny namana, sakaiza

Nefa tsy afaka manoatra. Lasa ilay nandrandraina.

 

Gina, sina ny rehetra, vata-mangatsiaka sisa,

Nindaosin-dRafahafatesana Ilay Zanak’i Gasikara

Kintana iray niavaka tamin’ireo kintan-tsy ho voaisa,

Nitondra  anjara biriky ho voarakitra an-tantara.

 

Gina, sina ny rehetra, manoloana izato lahatra.

Gina, sina ny rehetra nandre ny fahalasananao.

Rehefa tonga izany ora tsy misy afaka mamahatra

Koa mandria am-piadanana, eny veloma no atao.

 

Ramatoa RAHARIJAONA Marie-Angèle, Mpitandrina
Frantsa 25 septambra 2008

GRG – Georgette RANIVOARIVELO Gabrielle : 1932-2008 Madagascar – HOMMAGES (Suite) 23 septembre, 2008

Posté par rahelys dans : A lire,Culture,Evénements HELI'S MADAGASCAR,Femme,Hommages,Identité malgache,Malagasy: Teny,poèmes,Solidarité , 1 commentaire

Hebergeur d'images

Georgette Ranivoarivelo Gabrielle – GRG (1932-2008)
Poety, mpanoratra, mpikabary, mpitoriteny, manandratra ny teny malagasy

*****
« On a surtout connu GRG à travers une émission de la Radio Madagascar,  « Feom-baliha mena masoandro » qu’elle a réalisée avec Ener Lalandy.

Elle a déjà publié plusieurs livres et a écrit dans des journaux, « Sakaizan’ny tanora »,  « Malagasy ara-drafitra », « Fisainana GRG tononkalo » et  « Fisainana GRG tantara sy sombin-tantara » …-  Annick Sedson, Les nouvelles, 22.09.2008 »

*****

Miarahaba,

Malahelo ny fo amam-panahy amin’izao fandaozan’Itompokovavy Georgette RANIVOARIVELO Gabrielle antsika izao.Mirary faherezana sy fiononana feno ho an’ny Fianakaviana manontolo aho sady mitondra amim-bavaka.

Indro misy tononkalo nosoratako ho fiombonam-po amam-panahy amin’izao fisarahana an-tany izao.  Fehezam-boninkazo atolotro an’i G. R. G.

Ramatoa RAHARIJAONA Marie-Angèle, Mpitandrina.

 

TONONKALO – POEME

BANGA ANAO

(Georgette RANIVOARIVELO Gabrielle  1932-2008)

 

« Maty i G. R. G. »,
Hoy ny feo re.
« Maty i G. R. G. »,
« Ramatoa Georgette RANIVOARIVELO Gabrielle e ! »

Mova tsy ny feon-dakolosy ny fandrenesana izany
Dia feon-dakolosy izay manaitra avy hatrany
Mampahatsiahy fa ny fiainana an-tany
Tsy mateza, eny mielina ihany
Mampitomany.

Mibosesika ao anaty mifanao tsy omby aloha
Ny momba azy rehetra, malahelo ery ny fo !
Vehivavy malagasy tena niavaka tokoa
Mpanoratra hafa kely koa
Mpikabary nahaliana
Nahay nampikoriana
Ny teny aok’izany
Ny Feom-baliha
Sy ny Valiha
Dia porofo
Fa nilofo
Hatrany
Teto an-tany
I G. R. G.

 

Ary angaha izany ihany ? Anisan’ny lisy,
Amin’ny lisy. Anisan’ny lisy,
Nanam-pinoana, dia finoana
Narahina asa ka niezaka
Tsy nitofezaka
Fa nijoro
Sy nanoro
Nefa nafoy
E reroy !

 

Andrarezin-diteratiora, nampakatra avo ny Faneva,
Nampamerovero hanitra ny kanto sy ny meva
Tsy niamboho adidy fa niezaka, nilofo
Ho fitaizana hatrany ny solofo
Sy ny dimby. Koa raha lasa
Izy ankehitriny, ny asa
Nataony hotsaroana
Tsy ho foana

 

Banga anao ny toerana ry Vehivavy mendri-piderana
Banga anao ny toerana.
Ianao namonjy ilay fitàna.
Isaorana ny Mpahary nampisy anao teto an-tany
Fahasoavan-dehibe ho an’ny taranaka izany
Fahasoavan-dehibe ny fandalovanao tety
Kintan-diteratiora namiratra ery.

Koa mandria am-piadanana
Nanana olona ka nanana
I Gasikara nisy anao
Ny taranaka
Hanaraka
Tsy hanary
Ny soa fihary
 

Ramatoa RAHARIJAONA Marie-Angèle,  Mpitandrina

22 septambra 2008, Frantsa

GRG – Georgette Ranivoarivelo Gabrielle (1932-2008) Madagascar: Poète, écrivain, prédicateur et oratrice – HOMMAGES 22 septembre, 2008

Posté par rahelys dans : A lire,Culture,Femme,Hommages,Identité malgache,poèmes , 3 commentaires

Hebergeur d'images

Georgette Ranivoarivelo Gabrielle – GRG (1932-2008)
Une grande dame de la littérature malgache nous a quittés à l’âge de 76 ans !

Georgette Ranivoarivelo Gabrielle connue sous le sigle GRG est
Née le 30 décembre 1932 à Brickaville-Toamasina, fille de Andrianarivelo Jean et  Razafimiarana Séraphine, mariée à feu Rakotomalala Emile Solo, mère de 6 enfants dont 4 fils et 2 filles.

Madagascar a perdu un des ses talents.

 

Georgette Ranivoarivelo Gabrielle connue sous le sigle GRG est poète membre de Havatsa-UPEM: Union des Poètes et Ecrivains Malagasy, 3e dame membre de l’association des orateurs malgaches FIMPIMA, écrivain et prédicateur d’expression malgache.

Elle est connue surtout du grand public par ses nouvelles publiées par la presse : « Finoan-jaza », « Fanoitra », « Tsinaimbalala », « Tsy tao an-kibon-dreniko »…

En juin 2008, elle publie chez Imprimerie 2000, un recueil « Fasainana » (Pensées) dans lequel sont regroupés quelques-uns de ses travaux: Nouvelles et poème : 

- Hasin’ny fitiavana madio

- Finoan-jaza

- Vehivavy tsy manambady

- Eny indrisy !…(poème)

- Tsy tao an-kibon-dreniko

- Fanoitra

- Indro manina ny didinao aho, velona amin’ny Fahamarinanao  « Sal.119/40″

- Tsy mpifady toaka aho

- Tahio ny an’ny tena. – Olga HELISOA

Nous présentons ici nos condoléances à la famille.
Nous saluons cette grande dame qui a élevé très haut l’amour de la patrie, la langue malgache et l’union fraternelle nationale.
Reposez en paix, madame !

 

*****

 

SON  POEME – TONONKALON’ I
Georgette Ranivoarivelo Gabrielle 

GRG (1932-2008)

HOMMAGES

Hebergeur d'images

ENY INDRISY !… NY FANAHY MALAGASY

Eny indrisy ! izato izaho,
Fa manjombon-dava izao, vokatry ny fahoriana,
Nisy herisetra mafy,
Izay namoizana malala :Tanora maro havan-tiana.

Nefa kosa eny indrisy !…
Eh !…Indrisy hoy aho aminao :
Tsy ireo nofo mora lo, na ireo taolana mivaha
Izato isentoako izao.

Misy poizina tafiditra eto Madagasikara ka mandripaka Fanahy,
Ny Fanahy Malagasy izay voarombak’i satana tamim-pomba sahisahy.

Oh ! Manjakazaka eto ireo fitiavan-tena maro, fahavalom-pirenena,
Mandoto ireo Fanahy, dia ny Fanahy malagasy mpankanto ny fahendrena.

Eny indrisy izato izaho, mahonena, manjoratra, ianjadiam-pijaliana,
Ny ranomasoko tsy tana, ary ontsa koa ny foko fa tsy misy fifaliana :
Ireo toetra feno haja, ny firaisan-kina tsara toa modiana tsy arahina,
Ny hetraketraka mamono, fisaraham-bazana aza no tsy laitra notsipahina.

Fa nahoana kosa re ity Fireneko ity no mivarilavo fatratra ?
Inona no famonjena fa sahirana ny saiko, ny fanavotana tsy fantatra ?

Ry Malagasy namako ô ! Mihevera mba henoy ny sentom-poko
Ndeha hivondrona isika, hifanampy, hifanasoa, dia ho foana ny toloko.

Tompo ô ! R’Ilay Nahary, arotsaho ny herinao, vonjeo ny Malagasy !
Mafy loatra ny manjo, avotinao izahay, aza avela hangasihasy.
Ianao no iankinana, Ianao no tokinay, Ianao no andrandraina,
Ary i Madagasikara dia hifikitra aminao ka ho foana ny taraina

G.R.G.
Georgette Ranivoarivelo Gabrielle
15 marsa 1980

RADO – HOMMAGES 21 septembre, 2008

Posté par rahelys dans : A lire,A visiter,Culture,Hommages,Identité malgache,poèmes,Solidarité , 1 commentaire

FANKASITRAHANA
AVY AMIN’NY FIANAKAVIAN’
ANDRIAMANANTENA GEORGES
RADO

Maneho fisaorana sy fankasitrahana mitafotafo amin’ireo rehetra nahatsiaro, niombom-po sy alahelo tamin’ny fianakavian-dRado eto izahay.

 

Fa na lasana aza Rado ka mbola eo ireo rehetra miantsa, manandratra, mikalo ny tsangan’asany dia mbola isan’ny velona izy.

Mankatelina indrindra tompoko.

Fanja ANDRIAMANANTENA

Locations of visitors to this page

Miarahaba e !

Nodimandry i RADO. Malahelo isika rehetra. Tsy hay ny hangina. Indro misy tononkalo atolotro ho mariky ny fiombonam-po amam-panahy manoloana izao fandaozany antsika izao.

Mirary faherezana sy fiononana feno ho an’ny Fianakaviana manontolo aho sady mitondra amim-bavaka.

Ramatoa RAHARIJAONA Marie-Angèle

LASA

Georges ANDRIAMANANTENA

(1 oktobra 1923 – 15 septambra 2008)

 

Lasa ianao ka nandao ity tany fivahiniana

Lasa ianao ka nandao. Tsy hoe fanahy iniana

Fa tonga ny fotoana dia tsy maintsy mandeha

Na dia tsy foin’ny rehetra, Tabiha sy Rehareha.

 

Lasa ianao ka nandao ry Andrarezim-pirenena,

Voarabe endriky ny saha, ka tsy hainay fefena

Tsy hirotsaka ny ranomaso. Mivoaly mainty koa

Indrisy ny lanitry ny literatiora, banga anao !…

 

Lasa ianao ka nandao. Ny asa soratrao mitoetra.

Tsy ho lovin’ny fotoana, mampitraka raha joretra.

Ny mamy navelanao hotohofin’ny taranaka,

Azo anovozana hery raha sendra valaka sy lanaka.

 

Lasa ianao ka nandao ny fiainana eto an-tany,

Vata-mangatsiaka sisa. Ny Firenena injao tomany.

Kintan-Telonohorefy, dify teo Ilay Olomanga,

Lasa tsy hifody intsony. Ny toeranao dia banga.

 

RAHARIJAONA Marie-Angèle

 

*****

 

Tononkalo narindrako ho fahatsiarovana ny Fankalazana ny faha-80 Taonan’i RADO tao Ankorondrano tamin’ny 01 oktobra 2003

Ramatoa RAHARIJAONA Marie-Angèle

FANANDRAMAN-TSIRA NIAVAKA
(01 oktobra 2003, Ankorondrano, Antananarivo)

Taom-bolofotsy hafa kely, fanandraman-tsira niavaka
No notronin’ny rehetra, niantomboka tamin’ny vavaka.
Olo-manan-kaja maro no indreo tonga mirodorodo
Hanandran-tsira amin’izato fahavalopolo taonan’i Rado.

Fanompoam-pivavahana no nanombohana ny fotoana,
Fisaorana an’Andriamanitra, ny fahasoavany tsy foana.
Ny valopolo taona lasa namela dindo hatrany hatrany :
Tao ny mamy, ny mangidy, fomban-tany ihany izany.

Dia natao ny andran-tsira, antsan-tononkalo notsongaina,
Ny maso finaritra mitazana, indray mientana ny fo sy saina.
Fanandraman-tsira sarobidy ka satry hitohy fa tsy hitsahatra
Saingy ny fotoana moa voafetra ka tsy ahazoana mamahatra

Dia notsofiny ny labozia, niredona hira ireo taranany.
Nirefodrefotra ny tehaka, nitohy toa tsy hisy farany.
Dia nisaotra koa i Rado satria ny famoaham-boky
No tomombana dia tao ireo sady kiady koa no toky.

Dia nasaina ny rehetra hihinana ny mofomamy sady hijery
Ihany koa ny peta-drindrina sy sary rehefa avy nanovo hery
Tamin’ito takarivam-panandraman-tsira niavaka
Ka Ilay Voninkazo adaladala dia sady rado koa no ravaka.

Antsiva
Antananarivo 01 oktobra 2003

123

Lanaudière... moutons, caro... |
DAROU L ISLAM |
ENSEMBLE ET DROIT |
Unblog.fr | Créer un blog | Annuaire | Signaler un abus | Faut-il considérer internet...
| Le blogue a Voliere
| Cévennes : Chantiers 2013